Da pyndep ka Raij Jowai ya ka Kñia Pyrthat ynne ka sngi

Jowai: Ka Kñia Pyrthat yong ka Raij Jowai da pyndep ya ka ynne ka sngi ka wow man leh ka dak wa da sdang ka lehniam Behdieñkhlam wei kani ka kñia man ko leh kam chibynta wow e ngooh ya u Syiem Pyrthat kamjooh leh ya u Mon Ryngklaw.

Dang step ynne ki waheh wasian ka Raij kiwa kynthup ya ki phra kur phra kmai da yachem ki ha Yung Langdoh yow bichaar ya u Tpu ka Langdoh, u Tpu u Dolloi wa u Tpu ka Seiñraij.

Manda dep ini da mih won yow lai cha u Loom Mookhai yow pyndep ya ka Kñia Pyrthat heiwa da e ngooh ya u Syiem Pyrthat wa u Mon Ryngklaw.

Ha kani ka kñia da emlang leh ki le Langdoh wa kynthup ya u Langdoh Chyrmang, Langdoh Tuber wa u Langdoh Ialong.

Hadien wa dep na u Loom Mookhai da hiar cha Madan Kñia Pyrthat yow ya pynkhreh ya i ja i doh yow baam wei wow e ngooh ya ki blai ki syiem.

Related posts

Lehkmen ka Seiñ Raij Saphai ya ka lyngkhooh dap 50 snem ka Lehniam Kñia Hula

May 12, 2026

Khut sñiawbha ka Seiñ Raij Chnong Tuber Kmaichnong cha ka Chaad Sukra 2026

April 30, 2026

Manda dep u baam ya i ja kñia da pynbood won sa ka yutang na u Dolloi ka Elaka wa na u Kongwasan (Langdoh Chyrmang).

Photographs by: Soolangki D Laloo.