theme-sticky-logo-alt
theme-logo-alt
Advertisement ad1
Advertisement ad1

Da pyndep ya boon tylli ki yakob haka sngi wa chwa u kut ka Meghalaya Games

Advertisement ad1
Advertisement ad1
Advertisement ad1

Ynne ka sngi ha ka sngi chwa u poi cha wakut ka 4th Meghalaya Games 2022 da pynman boon tylli ki ya yakob heiwa da pyndep ya ka Archery deiwa wan u Chief Coach ka India, u Mim Bahadur Gurung wa u khloor siat khnam ka India u Atanu Das. U Das toh uwa da jop boonsien ya ka World Cup, Asian Championships waka World Championship.

Ha ka Indian Round u Navydisha Kokil Kapoor na Ri-Bhoi da yoh nyngkong u ha ka 50m katwa ha ka 30m da yoh ka Ibanisha Ryntathiang ka Pyndengumiong. Ka Ryntathiang da yoh ko leh ya ka takma ksiar ha ka yong ki kynthai. Ha ka yasiat yonglang won da jop ka East Khasi Hills ya ka Pyndengumiong. 

Advertisement ad1

Ha ka Men’s Indian Round, u Kirdhart Gurung da jop u ya waroh le tylli ki Final ha ka 50m, 30m wa ki yong samen ki chynrang. Da man u leh kam chibynta ka dhab ka East Khasi Hills kiwa jop ya ka Final pyrchah ya ka South West Khasi Hills. 

Ha ka yasiat (Shooting) won wa da pteiñ ha Assam Regimental Centre, Happy Valley deiwa pynemkaam da ki Air Pistol wa Air Rifles kiwwa daw pynkut mynstep. 

Ha ka Basketball, ka East Khasi Hills da jop ko ha ki yalehke Final ki chynrang wa kynthai ha NEIGRIHMS Indoor Stadium. Ka West Khasi Hills da rem ko ha ki kynthai da 46-31 haka EKH, katwa ka EKH da jop ko ya ki chynrang ka Ri-Bhoi da 68-55.

Ka Ri-Bhoi da yoh ko ya ka takma tama deiwa jop da 36-24 ya ka West Jaintia Hills, katwa ki chynrang ka WKH da yoh wa le ki ha ki chynrang deiwa jop da 57-42 ya ka WJH.

Ha ka Table Tennis wa pynman ha SAI Indoor Hall, ya ka takma ksiar da jop da ka Tanushree Das Gupta ha ki kynthai katwa ha ki chynrang da jop da u Suranjit Dey. U Dey deilang wa u T Yogesh Singh da jop ki ya ka Men’s Doubles katwa ka Camelia Diengdoh deilang waka Anwesha Choudhury da jop ko ya ka Women’s Doubles. 

Haka Final ka U-17 Boys’ Doubles da jop u Jeff AK Marak wa u Ario S Marak heiwa u Jeff da jop u leh ya ka Boys’ Singles. Ha ka Mixed Doubles da jop u Dey waka Choudhury.

Haka Tennis wa pynman ha Shillong Club, u Sanjeev Chettri da yoh u yaka takma ksiar haka Men’s Singles da 6-0, 6-0 deiwa pynrem ya u Joplut Kharbuli, katwa u Ishaan Rawat da jop u da 6-4, 6-2 haka Boys’ Singles pyrchah ya u Enrick Suchiang.

U Suchiang deilang wa u Rakshit Bajaj ha ka Boys’ Doubles da jop ki ya u Rawat wa u Harsh Singhania da 6-7 (4), 7-6 (8), 11-9.

Ha ka Women’s Singles Exhibition Match ka Samaira Kharbuli da jop ko ya ka Sasha Kharbuli da 6-2.

Haka Women’s Football Semifinal, ka West Khasi Hills da jop ko yaka West Garo Hills da 2-1, ka East Khasi Hills da jop ko yaka EJH da 2-1. Haka Semi ki chynrang won, ka Ri-Bhoi da jop ko ya West Jaiñtia Hills da 5-4 deiwa yachut Tie-Breaker hadien wa kut ka yalehke da 1-1, ka EKH da jop ko da 2-1 pyrchah ya ka East Jaiñtia Hills. Ka yakhun Final ki kynthai daw pynman mynstep ha Mawlai Madan Heh katwa ki yong ki chynrang daw pynman ha madan ka SAI.

Ka 4th Meghalaya Games 2022 daw pynkut yaka myntep deiwa pynman yaka Shooting heipor 10:30 i step ha Happy Valley, ka Billiards Final daw pynman heipor 1:00 waje i sngi ha Shillong Club, katwa ka Snooker daw pynman heipor 3:30 i sngi. Ka Karate, Archery wa Athletics ha SAI Centre daw pynkut ki ya kani ka lympung.

Share this:
Previous

Wan wai ki ar Montri Rangbah yaka Northeast Food Show ha Shillong 

Next

Da thung ya u Lasooki Lakiang kam u Chairman ka Jowai Municipal Board