Ynne kamwa da leh ha kylleiñ ka ri wa ka pyrthai, ha Jowai leh kiwa ngait ya ka niam Muslim da pyndep ki ya ka Eid Ul-Adha, ka lehniam kawa jooh pynman man-u-snem.
Kani ka lehniam da leh ya ka kam ka dak wow burom ya u Abraham (Ibrahim) uwa da smat wow e kñia ya u khon yong oo, u Isaac (Ishmael) kam ka dak wow pyndep ya ka hukum u Blai tangwa chwa wow kñia ya u khon u neiliang u Blai dei wyrai da phah salan u da u langbrot wow kñia.
Ha Jowai, ynne ya ka lehniam da pyndep ya i ngoohblai næ ka Namaz ha Masjid kawa em ha Chahtngit, Iawmusiang ya kawa da yahkhmat da u Imam, u Mohammad Hussain.
Ha kani ka Namaz da wan chimbynta da kiwa boon ki chynrang kiwa chong wa sah ha Jowai kamjooh na kylleiñ ka West Jaiñtia Hills.
Discussion about this post