Da pyndep ya ka Kbai Mooknor chwa ka Kñia Khang

Hachwa wow sdang ka lehniam Behdieñkhlam, ki khon ka Raij Jowai da emkaam wow pyndep ki ya kiwa boon ki niam kamjooh ki kñia.

Kamtæ ynne ka Sngi Musiang ka 19 tarik, ki khon ka Raij hapoh i yahkhmat u Dolloi, u Pator, ki Wasan da pyndep ki ya ka Kbai Mooknor hadien i yachem na Yung Langdoh heiwa da em i ngooh i dem da u Dolloi ka Elaka Jowai, u Puramon Kynjing.

Ya kani ka Kbai Mooknor da leh ya ka chwa wow pyndep ya ka Kñia Khang ka wow man mynstep ka Sngi Muchai ka 20 tarik heiwa daw e ngooh ya ki Soodwar Sooluti kiwa kynthup ya u Mooralong, Moosniang, Mookhai wa u Mootong kamjooh ya ka Syiem Myntdu kawa man ka Tawiar Takan.

Ha Iawmusiang da pyndep ya kani ka Kbai Mooknor hajrong ki Mooknor wow pynap pynsñiaw cha ki paidbah wa kiwa chongdai wa mynstep daw pynman ya ka Kñia Khang.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026

U Dolloi ka Elaka, u Puramon Kynjing da ong u wa kani ka lehniam toh wow e ngooh ya ki Soo Dwar Soo Luti wa ka Tawiar Takan kiwa da kær wei yow hoi i khih i kreh ha ka chi snem lynter.