Ynne i step Mulong yong ka 1 tarik, kam chibynta yong ka lehniam Behdieñkhlam ka Raij Jowai, da pyndep ya ka Kñia Aitnar.
Hachwa wow mih lai kñia da yachem chwa ki waheh wasan nadooh u Dolloi, u Pator, u Langdoh, ki Wasan wa kiwi kiwi ha Yung Langdoh.
Kani ka kñia man ko kawa kyrpang bha heiwa du manda pyndep ya ka u ye ki khon ka Raij wow lithooh ya ki Dieñkhlam na ki khloo ki kjam wow wanrah chapoh ka Yaaw ka Syiem ha Jowai.
Ya kani ka kñia da pynlut da pyndap pynbiang u Dolloi hei wow e ngooh e dem ya ka Syiem Aitnar da ka syiar, kawi ka blang waka dakha.
Neiliang u Dolloi ka Elaka Jowai, u Puramon Kynjing da pyntip u wa kani ka kñia ynne man ko kawa miat wa bha wei da wan ya chimbynta ha ka da ki khon ka Raij na kylleiñ.
Discussion about this post