Da pyndep ya ka Kñia Pyrthat ynne ka sngi

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

Jowai : Ka Kñia Pyrthat yong ka Elaka Jowai da pyndep ya ka ynne ka sngi ka 3 tarik wow man leh ka dak wa da sdang ka lehniam Behdieñkhlam.

Kani ka Kñia da pynman kam chibynta wow e ngooh ya u Syiem Pyrthat kamjooh leh ya u Mon Ryngklaw.

Dang step ynne ki waheh wasian ka Raij kiwa kynthup ya ki phra kur phra kmai da yachem ki ha Yung Langdoh yow bichaar ya u Tpu (Rice Cake) ka Langdoh, u Tpu u Dolloi wa u Tpu ka Seiñraij.

Manda dep ini da mih won yow lai cha u Loom Mookhai yow pyndep ya ka Kñia Pyrthat heiwa da e ngooh ya u Syiem Pyrthat wa u Mon Ryngklaw da uwi u sniang wa uwi u Syiar Ryngkooh.

Hadien wa dep na u Loom Mookhai da hiar cha Madan Kñia Pyrthat yow ya pynkhreh ya i ja i doh yow baam wei wow e ngooh ya ki blai ki syiem.

Ha kani ka sngi da embynta leh u Langdoh ka Raij Tuber, ka Raij Ialong, u Kongwasan u Langdoh Chyrmang wa u Langdoh Jowai.

Manda dep u baam ya i ja kñia da pynbood won sa ka yutang na u Dolloi ka Elaka wa na u Kongwasan (Langdoh Chyrmang).