Da pyndep ya ka lehniam yow khang noh yei ngam hapoh ka Aitnar

Ynne i step ka Mulong yong ka 12 tarik, kam chibynta yong ka lehniam Behdieñkhlam ka Raij Jowai, da emkaam ko wow pyndep ya ka Kñia Aitnar.

Kani ka kñia toh kawa pynbait pynbiang wei da pynlut da u Dolloi nadooh ka blang, dakha, syiar, khoo wa kiwi wei chwa u mih u Dolloi neiliang ki Wasan da lai ki cha Yung Blai u Dolloi wow lai synraan oo cha Yung Langdoh wei chwa u mih da em i ngooh i dem.

Chwa wow mih won na Yung Langdoh da e ya ka Wyrta Chula wow mih lai kñia noh.

Kani ka kñia man ko kawa kyrpang bha heiwa du manda pyndep ya ka u ye ki khon ka Raij wow li thooh ya ki Dieñkhlam na ki khloo ki kjam wow wanrah chapoh ka Yaaw ka Syiem ha Jowai.

Related posts

Ka Kbai Mooknor ka dak wa sdang ka lehñiam Behdieñkhlam, da khang u rah chyieñ na baar ka Raij Jowai

March 10, 2026

Khut sñiawbha ka Seiñ Raij Nongjngi Pyllun cha ka Chaad Sukra 2026

March 8, 2026

Hadien wa dep ya ka kñia ymhoi de wow yoh u ngam ha i doh i pran ka Aitnar kat hadoooh ka sngi pynkut ya ka Behdieñkhlam.

Neiliang u Dolloi ka Elaka Jowai, u Puramon Kynjing da pyntip u wa kani ka kñia ynne man ko kawa miat wa bha.