Kiwa ha-yung ha-sem yong kawi ka kynthai kawa em 23 snem i rta kawa sah ha Jowai ki wym kwah wow pynmih pyrtuid pynmih dur ka, da pyntip ki wa ka khon ki da mih ko na yung nadooh ka 9 tarik uni u bnai wei hadooh kattæ leh ym em de liwan ko wei ym yoh Phone de ki ka.
Da pyntip wa heipor wa mih ko na yung toh dei yaam ko wei da ong donhi ko wa lada yap la im ko toh neidaw uwi u bru wei ym em rah muna rah tiar ko iyi iyi leh lait noh kawi ka Phone kawa ym hoi manda Phone ki ka kattæ.
Chooh chooh da pyntip wa uni u bru da yatipmit u wa kani ka khon ki lyngba ka Facebook ha uni u snem wei kattæ ym chem de ki i dur i dar u kamjooh ka Profile u ha Facebook.
Da ong leh wa nachwa da yoh ki wow yaklam Phone wa uni u bru wei tip hi u wow klam dei ktien Pnar wei da khana ka khon ki wa sah u ha Ri-Bhoi District wei kreh u ha Guwahati kam u Businessman.
Hawa Phone leh cha i Number uni u bru ym em de jubab u wei kam ka yung ka sem dadep ki wow lai ujor wei pyntip cha ki pulit hajrong ini wa jia waroh.
Kamtæ da kyntu kyrpaad ya ka khon kamjooh ya uni u bru wow pyntip cha ka yung ka sem kiwa da khuslai bha.
Discussion about this post