15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pyndep ya ka ngooh Blai ha duwan kñia ya ka “Blai Synhen” ha nan Thadlaskeiñ

Advertisement ad1
Advertisement ad1
Advertisement ad1

Ka Seiñ Raij Mukhla ynne ka 24 tarik hapoh i yahkhmat u Langdoh Niam ka Raij Mukhla u Wanbha Lyngdoh deilang wa u Waheh Sankur, u General Secretary wa u President ka Seiñ Raij Mukhla da pynman ki yei ngooh yei dem Blai ha ka duwan kñia næ duwan leh niam ya ka “Blai Synhen” ha ka nan Thadlaskeiñ kawa em hapoh ka chnong Mukhla.

Ha ini i ngooh Blai da paan yei yada wei wow kær ya ki khon ki raiot yong ka Seiñ Raij Mukhla yow yoh ki yei doh i pran wa chait wa khiah wei kamjooh leh wow beh cha jngai ya kani ka kjut khlam COVID-19 kawa da poor cha waroh ki ri yong ka pyrthai, kamtæ kini kiwa yalam niam hapoh ka Seiñ Raij Mukhla da pynman ki ya ini i e ngooh ya ki Blai ki Syiem kiwa em soodong hapoh u pood u ang ka Seiñ Raij Mukhla wa khamtam ya ka “Blai Synhen” kawa man ka Blai kawa ri wei sumaar ya ki khon ka Seiñ Raij Mukhla na kipor cha kipor.

Advertisement ad1
Advertisement ad1

Hadien i e ngooh da yoh wow pynkhooid ya ka duwan kñia wa ki soodong sookun ynne ka sngi. Kam wow pynkynmoo wa ya ini i e ngooh Blai da pynman leh ynnin u snem ha ini i jooh i thaw wa u bnai.

Ha ka na Thadlaskeiñ da jooh pynman leh ya ka kñia ka khriam ka Chaad Pastieh Chaad Wait kam i dak wow e ngooh ya ka “Blai Synhem”. Ya kani ka leh niam da dooh ya ka da ki phaw phaw snem nachwa tangwa ha u snem 2010 hapoh i yahkhmat u Pa Dolloi ka Elaka Nangbah, u RM Garod deilang wa kiwa i yahkhmat u Langdoh Niam ka Raij Mukhla wa u Langdoh Niam ka Raij Nangbah da ye ki wow pynkhai im biang ya kani ka leh niam kñia wa ka Chaad Pastieh ya ka nan Thadlaskeiñ wei kamjooh leh ha u snem 2015 da i jooh hi i sur wa ya sñiawthooh yumut lang, da ye wow pyndep biang ya kani ka leh niam ya ka nan Tahdlaskeiñ tangwa ha kani ka kynti won neiliang ka Seiñ Raij Mukhla deilang wa u Pa Dolloi Elaka Nangbah ym pu ye wow pyndep ya ini i leh niam haka sien kawa le neidaw i wan yong ka khlam COVID-19, kamtæ dang booh teiñ chwa ya kani ha uni u snem, wei da yooluti wa neini chakhmat daw yoh biang wow pyndep ya kani ka leh niam ha ki snem wa daw wan da i ya krehlang kini ki ar Raij deilang wa u Pa Dolloi ka Elaka.

Ya kani ka nan Thadlaskeiñ da toh wow yoh u pyndep ya ka leh niam sa ka sien wa le da uwon uwon uwa yoh u man Dolloi ka Elaka Nangbah ha i rta yong oo, neidaw wa ka Raij Mukhla dang haap ko hapoh ka Elaka u Dolloi Nangbah, kamtæ neiliang yong ka Seiñ Raij Mukhla da sñiaw sarong ko wa ha ini i por wa man Dolloi da u RM Garod kam u Pa Dolloi ka Elaka Nangbah, da ye wow pyndep la ar sien ya ka leh niam ya kawa da yooluti leh yow ye u pyndep biang ya ini i leh sa ha ka sien kawa le.

Ini man ko katkam i pynlait khubor da u S. Sari uwa man uwi na ki Waheh Sankur.

Share this:
Previous

Wan wai u Amit Shah ya ka ISBT, ka Oxygen Plant wei da yachem u leh wa ki montri rangbah ki jylla ha Shillong

Next

Ym em klam u Amit Shah chi kyntien leh hajrong ka ILP hawa yachem wa ki seiñbhalang