Khliehriat: Ka Dong Main Road RBBJ Road FC wa ka Dong Lum Pyrdi FC toh ki artylli ki dong kiwa psiah cha ka Final yong ka lympung yalehke kawa tip kam ka ‘Umlyngsha Inter Home Football League 2017’ kawa pynman da ka Umlyngsha Youth Society & Sports Club (UYSSC) ha ka chnong Umlyngsha, East Jaiñtia Hills District Khliehriat.
Ka Dong Lum Pyrdi FC da psiah ko cha ka Final ha kani ka Inter Home hadien wa jop suk ko hadooh 7-0 pyrchah ya ka Dong East Colony ha kani ka sngi Chohthat.
Ka Dong Main Road FC hanlada chah pynrem ko ha ka Dong Khadlynraw FC da 3-0 da yoh ko u psiah bait cha Final hadien wa da yoh khur ko 6 point na ki le tylli ki yakhun ha kani ka lympung.
Kamtae ka Final u man ko hapyrdi ka Dong Main Road RBBJ FC pyrchah ya ka Dong Lum Pyrdi FC heiwa ya ka tarik wa ka por yong ka Final daw pyntikna won hadien.
Discussion about this post