• About Us
  • Contact Us
  • Privacy Policy
  • Advertise With Us
  • Terms & Conditions
Monday, June 30, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Culture

Da pyndep yei Syrdep Phlang ya ka Yung Langdoh

Wyrta Staff by Wyrta Staff
March 2, 2025
Reading Time: 5 mins read
A A
0
Share on FacebookShare on Twitter

Ka Raij Jowai lyngba ka Dorbar Niam hei yahkhmat u Dolloi kam u khlieh ka niam, ynne ka sngi kam chibynta i pynkhreh pynkhrum, pynphooh pynphieñ ya ka Yung Langdoh chwa wow sdang ki lehniam waphær heiyatoh wa ka Behdieñkhlam, da pyndep yei Syrdep Phlang hei chimbyntalang ki chakri niam ka Raij wei sakhilang leh da ki waheh wasian ka Seiñraij Jowai.

Ha kani ka sngi chwa wow sdang ka Syrdep Phlang, u Dolloi, u Puramon Kynjin chirup u Pator, u Langdoh, ki Sangot, ki Wasan, ki Phra Kur–Phra Kmai kiwa embhah embynta ha ki kaam niam yong Raij da siang da booh  ki i ngooh i dem i pynap Blai pynap Syiem.

U Dolloi hei yaklam da khana u kani ka Syrdep Phlang yei Yung Langdoh man ko ka rukom, dustur wa da pynjooh sikai na warim chisnem pood neibhah ha kani ka yung ya kiwa boon ki kaam niam yong ka Raij ka chnong da pyndep ki kiwa man katkam ki hukum adong u Trekirot.

Chooh chooh da ong u leh lyngba kani ka Syrdep Phlang man ko ka luti wow wanrah ya itæ i sñiaw iwa em i jooh i kitkhlieh hapyrdi ki khon ka Raij neibynta i miat i bha wei phooh i phieñ yong kani ka Yung Langdoh, i wan ya chimbynta kiwa boon walang ha kani ka syrdep yung phlang wei man ko leh ka dak i sñiawngooh sñiawburom ka pateiñ ya ka Beipun Doh kawa man kawa kha ya ka pateiñ ka wow pyndep ya ki kaam niam yonglang yongbi neibynta wow yoh ka chnong ka raij yei khyrkhu khyrdoh, i bit i biang ha waroh ki liang.

Related posts

Ha ka 16 tarik u pynman ka Seiñ Raij Nongjngi ya ka lehniam Yadaw Masi

June 29, 2025

Jied waheh chnong thymme ka Tuber Kmai Chnong

June 28, 2025

Da khana u leh wa ha kani ka Yung Langdoh, u Dolloi pyndep u yei kaam bichaar, khadar neibynta i chongsuk chongsaaiñ wei man miat manbha ki khon ka raij ka chnong, ha kani ka yung Langdoh da em leh u Moosmai heiwa lada em i yaklam eh, klam khor, ym yabait yasood yong i pyrkhat pyrdaiñ kam ki bru, hakhmat ka Duwan u Moosmai u em ka yasmai yatang ka wow pynyoo ka sakhi yeitæ i manhok hakhmat ki Blai ki Syiem.

Iwa khaddooh ong u i pyndep niam ha kani ka Yung Langdoh ym mut ko du neibynta ki khon ka niamtre, kyrpang i kyrkhu man i ya warohlang ki khon ka raij ka chnong. 

ShareTweetSendShare
Previous Post

Da pynbna ya ka Result kiwa yaleh kreh LDA Cum Typist ka DSC

Next Post

1601 tylli ki tyllong um wa da ye u pynkhai im hei lut wa Rs. 46.62 klur

Related Posts

Culture

Ha ka 16 tarik u pynman ka Seiñ Raij Nongjngi ya ka lehniam Yadaw Masi

June 29, 2025
Culture

Jied waheh chnong thymme ka Tuber Kmai Chnong

June 28, 2025
Culture

Da pynthymme ya kiwa kitkaam ka Dorbar Chnong Mukhaialong

June 23, 2025
Culture

Da ka yakob Choh Bom wa ka Siang ka Pha pynman ka KKC Seinraij Jowai

June 22, 2025
Next Post

1601 tylli ki tyllong um wa da ye u pynkhai im hei lut wa Rs. 46.62 klur

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar