theme-sticky-logo-alt
theme-logo-alt
Advertisement ad1
Advertisement ad1

Da pyndur wa khih u khmi ha Ampati yow pynman ya ki paidbah kiwa pynkhreh

Advertisement ad1

Ampati: Ka Mock Exercise heiwa da pyndur wa khih u khmi wa em i bor 8.7 ha i Richter Scale wei i tre u na Garobadha da pynman ya ka esikai neibynta ki khynnah wa paidbah ha Ampati Student’s Field ynne ka sngi.

Kani ka Mock Exercise da pynman kam chibynta yong ka Multi State Mock Exercise on Earthquake Disaster wa pynlai da ka Meghalaya State Disaster Management Authority (SDMA) hei yakrehlang chirup wa ka District Disaster Management Authority (DDMA) wa ki bor district ka South West Garo Hills District Administration wow pynkhreh ya ki khynnah lada em i jia wa kam ini i khih khmi.

Advertisement ad1
Advertisement ad1

U Deputy Commissioner ka District u SK Marak da pyntip u wa heipor kani ka drill ki bor district wa ki chnat sorkar da pynkhreh ki wow pynman ya i thooh wei wow pynlait wow sumaar ya kiwa chah ktah.

U Additional Deputy Commissioner & CEO Disaster Management, u ZJ Sangma, Superintendent of Police & Safety Officer u Bobby SW Momin and District Disaster Management Officer Debojit Koch da emlang ki ha kani ka sngi kam kiwa pait ya jar jiar ki kaamram wa da bynta ya ki.

Ha kani ka sngi da jied ya le tylli ki thaw wa man kiwa da chah ktah bha heiwa da ynman ya ka Exercise heiwa da pyndep ya ka thong du hapoh ar kynta donhi.

Hadien ini da em ka yalang ha DRDA Conference Hall wa da hun yei rukom pyndep ki chnat yei kaamram yong ki wei da em won leh ka Video Conference hapyrdi kini ki sahep wa u Chief Secretary of Meghalaya ha yung krehkaam u DC.

Kam wow pyntip heini, ynnin ka sngi da pynman ya ka Table Top Exercise wow pyrkhat wei wow pynkhreh neibynta ka Mock Exercise ynne ka sngi.

Share this:
Previous

Ki kaam pyrchah aiñ na kylleiñ ka jylla

Next

Yahkhmat ka KSU-TC ya i pynkhooid ya ka wah Tyrsad