Da pynhaap pyrda noh ya ka lehkmen dap 25 snem ka Kordeinlin Social & Cultural Club

Ka Kordeinlin Social and Cultural Club, Tuber Kmai Shnong da pynhaap pyrda noh ko ya i lehkmen dap 25 snem ha ka 14 tarik uni u bnai hadien wa da wai pyrda nadooh ka 12-10-2024.

Ha kawi ka lehkmen ha ka sngi wai pyrda da pynhær leh ya ka lama yong ka Jubilee wei da wai leh ya u moo sahnaam ya kiwa seiñ ya ka Club kiwa kynthup ya u Vinod Phawa kam u Chairman wa nyngkong wa ya u (L) Suna Shylla kam u Secretary wa nyngkong wa kynthup leh ya 11 ngut ki Executive Member.

Ha kani ka tayaaw lehkmen Jubilee da pynman ya ki kaam waphær waphær nadooh ki yalehbol, Marathon, Tug of War, Moopoint, Siatkhnam, Drawing, Singing wa kiwi.

Da pynman leh ya i pynkhooid ha waroh u pood ka Dong deiwa chimbynta ki manyung kiwa em 99 tylli.

Ha ka sngi pynhaap pyrda ya ka Jubilee da wan sakhi da u Kyrmen Shylla, MLA uwa man leh kam u Montri ka sorkar jylla kam u kongsan ryngkat u Lasky Rymbai, Deputy CEM ka JHADC kam u symbood longsan, u Micky Lyngdoh, Waheh Chnong Tuber Kmai Shnong, u Lar Bang, Waheh Chnong ka Tuber Chohshrieh, u Wanthmu Phawa kiwa kitkaam Dong wa kiwi.

Related posts

Yap biang ki dakha ha ka wah Prang mar ya poi u slap

March 17, 2026

Na ka BJP dawa ka JNC wow pyrkhat ya kiwa khih mooyong wa khian

March 17, 2026

Ha kani ka sngi da booh leh ya u mooyurim wow wai paidbah ya ka Community Hall da u Kyrmen Shylla kamjooh da pynlait ya ka kot sahnaam (Souvenir) da u Lasky Rymbai wei da em leh i ah ya u Cake dap 25 snem da u Micky Lyngdoh kam u Special Guest.

Da em leh i pynkup burom ya kiwa seiñ ya ka Club wa ya kiwa kitkaam yong ka ha ki samoi waphær waphær nadooh wa da seiñ ya ka.

Da pynhiar leh ya ka lama yong ka Jubilee da u Heibormi Shylla kam u Chairman ka Dong.