Ka skur Church of God Secondary School Ummulong kawi na ki skur wa hakhmat ka thaaiñ Ummulong da pynhaap pyrda ko ynne ka sngi ya ka lehkmen lyngkhooh dap Snem Rupa namo ka Silver Jubilee.
Ha kani ka sngi u MLA ka Jowai, u Wailadmiki Shylla da man u kam u kongsan hei emlang u Jesse Suiam (MDC) kam u symbood kongsan, u waheh chnong ka Ummulong u Leo Laloo wa kiwi kiwi.
Neiliang u Headmaster kani ka skur u Trippleson Muksor da khana ya ka parom ka skur wei kamjooh leh wa hanla em chiboon i eh i khoo neiliang yong ka skur ym artatien ko wow yoh ya ka mynried kawa che kawa tyrchaaiñ.
U Jesse Suiam kamjooh leh u Leo Laloo hawa e yei klam da yaroh ki ya ka Managing Committee ka skur ha ki kaam yong ka deiwa khana leh yei man kordor i stat i tip.
U Wailadmiki Shylla da kyntu joor u ya ki bei ki pa wow phah khon kam cha kini ki skur kiwa syndong ya ki khynnah wei kyrmen wa kani ka skur u dang tyrchaaiñ ko katwa nang mih ki sngi.
Ya kani ka sngi da pynphooh pynka-it ya ka dei chaad i rwai na ki khynnah ka skur.
Ya ka yalang ynne ka sngi da pynlai da u JM Kyndiah uwa da seiñ ya kani ka skur ha u snem 1995.
