Ka lympung yalehbol wa tip kam ka 1st 35 Above Football Tournament Inter Unit ka Seiñkur Suchiang dapoi ko cha wakut ha ka 19 tarik uni u bnai dei yalehke Final hapyrdi ka Seiñkur Suchiang Jowai Unit wa ka Mukhap Unit.
Kani ka yalehke da man ko kawa yoosuk bha heiwa ka Seiñkur Suchiang Jowai Unit da jop ko da 2-0 lyngba ka kool wa thap u Ricky Suchiang wei kawa ar won da thap da u Marchibait Suchiang.
Ha kani ka sngi da em ka yalang wa tbian wa da pynlai da u Da O Suchiang, da yoh leh i klam na u President Rangbah ka Seiñkur, u Carmel Suchiang.
Ya kani ka Final da wan pynhaap pyrda da ka Rima Suchiang kam ka kongsan wei da yoh leh i sneiñ i kroo na u Tbn. Mootha Bneiñ Suchiang uwa man kam u symbood kongsan.
Ka Seiñkur Suchiang Central Body hi waroh kawi da e khublei kitbok kitrwiang ko ya ki Unit waphær waphær kiwa da wan chimbynta ha kani ka lympung.
Da e khublei ko leh ya waroh ki kur, ki kha ki man kiwa da wan pynchongchit ya kani ka sngi.
Ini toh katkam ka Wyrta na u Publicity Secretary ka Seiñkur Suchiang Central Body.
Discussion about this post