Ka Tuber Kmaishnong Social, Cultural & Sports Club da yoh ko wow pynhaap pyrda ya ka 25th Inter Dong Football Tournament Cum Silver Jubilee Celebration (1997-2022) haka 15 tarik uni u bnai.
Da pynlai ya ka yalang da u Chairman ka Sports Club, u Markos Ryngkhlem wei da yoh ya ki kyntien yahkhmat hawa yatoh wa kani ka sngi na u Secretary ka Sports Club, u Bida Kyndait deiwa emlang u Kyrmen Shylla, Montri sorkar kam u kongsan wa u Lasky Rymbai, Deputy CEM JHADC kam u symbood kongsan.
Da yoh leh wow pynlait ya ka kot Souvenir yong ka Jubilee da u symbood kongsan, u Lasky Rymbai wei da wai leh ya u mooyurim yong ka Club da u Kyrmen Shylla.
Kiwi de kiwa da emlang ha kani ka pynhaap pyrda toh u Finelynes Bareh, MDC Rymbai, u Lomris Lyngdoh, MDC Muthlong-Sohkymphor, u Justine Dkhar, Ex-MLA Khliehriat Constituency, u Sevenborn Tang, Ex-MDC Muthlong-Sohkymphor, u Harvis Phawa, President Raij Tuber, u Jolbi Sana, General Secretary Raij Tuber, u Tellme True Phawa, General Secretary Tuber kmaishnong, u Micky Lyngdoh, Waheh Chnong Tuber Kmaishnong wa kiwi de ki waheh chnong wa kiwa paaw khmat na kylleiñ hapoh ka East Jaiñtia Hills District.
Da yoh leh wow pynupburom ya kiwa kitkaam ka Sports Club kiwa da krehkaam nadooh u snem 1997-2022.
Ka phang kani ka lehkmen Jubilee toh “Dream for a Better Tomorrow”.
Hawa kyruiñ cha ka yakhun Final hapyrdi ka Tuber Wahshnong SC pyrchah ya ka GFF Family FC, ka Tuber Wahshnong SC da jop ko da 3-0.
