Da pynhaap pyrda ya ka Sports Meet ka Barato Presbyterian Secondary School
Jowai: Ka Barato Presbyterian Secondary School, da pynhaap pyrda ko ya ka Annual Sports Meet kawa san ynnin ka 18 tarik kawa da chimbynta chongchit ki khynnah ha waroh ki jait yakob.
Da sdang ya kani ka Annual Sports Meet ha ka 16 tarik uni u bnai kawa da wan wai pyrda ya ka da u Founderson Syngkon kam u kongsan wei da pynhap pyrda ya ka da u Nujorki Sungoh uwa man leh u MLA yong ka chnong waka thaaiñ. Ha ka sngi pynkut da emlang u Chairman SMC, u Aiborlang Shadap MDC, Sarlangki Dkhar Ex-Student, Rev. DH Lamare Pastor In-charge ka Balang wa kiwi kiwi wei da pynkup burom ya ki khynnah wa da leh bha ha ka SSLC Exam kawa nadooh u snem 2015 hadooh 2018.
Ya ki khusnam kam ka Certificate of Appreciation wa e cha ki khynnah skur da saam da u kongsan u Nujorki Sungoh, u Aiborlang Shadap wa u Sarlangki Dkhar wei da pynphooh pynphieñ ya kani ka sngi khaddooh daka March Past, ka yaleh Drill wa kiwi kiwi kiwa chimbynta da waroh ki khynnah skur.
Da wan sakhi leh da ki paidbah kamjooh ki bei ki pa yong ki khynnah skur hanlada pynwit u slap da ye u pyndep ya waroh ki yalehke waroh deiwa chong chit wei deiwa kmen.
