15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da pynim biang ya i dawa yoh jylla Garoland

0 Comments
Advertisement ad1
Advertisement ad1

Tura: Ki paid ka ri-loom Garo ynnin ka sngi da pynman ki ya ka lai paidbah waka yalang paidbah ha Tura yow dawa ya ka jylla Garoland.

Ka lai paidbah toh kawa sdang nadooh madan Chandmari lyngba ka yaaw Tura wei da pynkut ha madan ka Law College deilang wa i kbai wow dawa ya ka jylla Garoland tymbud luti.

I dawa wow yoh ka ya jylla toh kawa sdang da slem nadooh ki por ki phareng wei ha ki snem 1960 ka Garo National Council da sdang biang wow dawa ya ini deiwa yah khmat u Montri Rangbah warim ka jylla u (L) Captain Willliamson A. Sangma.

Ha u snem 1992 da pynim biang ya ini i dawa jylla heiwa ki seiñ kam ka HSPDP waka UDP da kyrchaan ki ya ini i yakhih tangwa ym em poi i cheiwon cheiwon leh.

Ha u snem 2012 da sdang biang ya kani ka yakhih wei ynnin da man ko ka lai paidbah wa 22 sien.

Ha ka yalang wa pynman hadien wa kut ka lai piadbah da pynbna wa ki seiñ saiñ hima ri-loom ka jylla kam ka UDP, HSPDP waka PDF da rai ki wow wanrah ya kani ka dawa yoh ya ka jylla Garoland kam kawi na ki phang yalap Election MLA.

Share this:
Previous

Ha ka JHADC ujor ka Youth Wing ka Ladrymbai Dongwah pyrchah ya u Waheh Chnong wa u Dolloi ka Elaka Rymbai

Next

Jop ka Evergreen Mukhla ha ka 3rd Division katwa ha ka Super Division ym em wa jop