Ka War Jaiñtia Student Union kawi na ka seiñ wa da sdang ha u snem 2000 wei kawa da sangeh wow krehkam nadooh u snem 2015, ynnin ka sngi da pynkhai im biang yaka haka yalang wa da pynman ha Amlarem, West Jaiñtia Hills District.
I pynkhai im biang ya kani ka seiñ toh wa kiwa yahkhmat yoo chynna jngai ki ya chiboon i eh i khoo hapoh ka thaaiñ War Jaiñtia.
Kamtæ ha kani ka sngi da thung leh yaka Executive Committee wa chipor ka wow krehkaam hapoh 6 bnai, wei hapoh kini hi ki bnai ka seiñ daw pynman ko da ka Election neibynta u jied ya ki wow yahkhmat wa kynthup nadooh u President kamjooh ki dkhot ka Central Executive Committee khnang wa i rukom krehkaam u man ko kawa lai bait lai ryntih.
Ki dkhot wa da chah jied chipor kynthup ya u Alban K Gashnga (Chief Adviser), Donstand Khonglah (Adviser), u Namdichai Lamare (President), Sumar Dkhar (Vice President), Jai Pohshna (General Secretary), Dei Syad (Joint Secretary), Arwinstar Gashnga (Finance Secretary), Saiñborlang Lamin (Asst Finance Secy), Autumn Sumer (Education Secretary), Everest R Langstang (Publicity Secretary), Donbok Dkhar (Sport Secretary) wa u Sumar Syngkor (Environment Secretary).
Nadooh kani ka sngi ki ar ngut kiwa e buit ka Committee chirup wa ki dkhot wa chipor daw yakrehlang ki chirup chirup yow pynlai bait yei kaam.
Discussion about this post