Hadien wa ini wa dep da pynbna wow pynman ya ka Khasi wa Garo kam ki Compulsory Subject nadooh na Pre-Primary hadooh Class-I, neiliang ka chnat puræ puthi dadep ko wow pynkhreh yow e Training ya kiwa sikai skur ha kylleiñ ki District yow pynkhreh yeini.
Neiliang u Montri ka chnat, u Lahkmen Rymbui da ong u wa ini i rai man ko yow pynskem yei ya sñiawthooh wow yaklam hapyrdi kiwa boon ki jaitbru wa em hapoh ka jylla neibhah ka Meghalaya man ko kam kawi donhi ka jylla tangwa dei wym ya sñiawthooh uwi ya uwi da man ko kam u moochynthut.
Kamtæ da ong u wa da booh noh da ka thong wow sdang nadooh dang khian heipor wa sdang skur ki khynnah iwa man iwa miat dooh i por yow tip ya ka ktien wa thymme yow suk won manda heh da san ki.
Ini i thmu ka sorkar toh wow pynkit ha kiwa sikai wa da em chwa katni hi heiwa kiwa em ha Garo hap ki wow sikai Khasi katwa kiwa em ha Khasi-Jaiñtia Hills daw hap ki wow sikai Garo heiwa da mih leh chiboon i khñium na kiwa boon kiwa sikai yei chem chitom ki wow leh yeini.
Ka sorkar da pynkhreh ko wow pynbait yeini deiwa wanrah ki jait sikai deiwa em ki bru wa chemphang yow pynsuk kamjooh yow pynyoo ya kiwa sikai kammon wow sikai ya ki khynnah manda sdang.
Discussion about this post