Shillong: Ynne ka sngi ya i metyap u Lamphang ka yung dorbar Meghalaya Legislative Assembly, u Dr. Donkupar Roy da pynkit noh cha Sohra wow pyndep ya ka lehniam leh rukom chwa wow lai tlep noh ha ka Sngi Walang ha Shella kawa man ka chnong wa da kha ya oo.
Kam ka dak wow burom ya uni u waheh ha ka saiñpyrthai ka jylla, ka sorkar da pynbna ko da ka sngi chuti ha ka sngi tlep kawa man ha ka 31 tarik.
Ya i metyap u Dr. Donkupar Roy uwa man leh u President ka United Democratic Party (UDP) da pynkit cha Sohra heipor 2 waje nohchariñ ka sngi hadien wa da pyndep ya ka lehniam wa i leh warom wa khaddooh na ka yung ka sem ha yung wa sah u ha Crinoline View Bungalow, Pine Mount Ridge, Shillong.
Da synraan wow rah ya i metyap yong oo da waroh kiwa yahkhmat ka UDP, wa kynthup leh ya ki MLA wa ki Montri Sorkar wa kiwi kiwi.
Discussion about this post