Shillong: Chwa wow kit ya i metyap u Dr. Donkupar Roy da lehwarom ya i metyap yong oo da ki montri wa ki heh sorkar wa kynthup leh ya u Himanta Biswa Sarma, uwa man u heh ka BJP kamjooh leh u montri ha ka sorkar Assam, u Montri Rangbah ka jylla, u Conrad K Sangma, wa kiwi kiwi.
Hajrong i dooh ka jylla ya u Dr. Donkupar Roy, u Himanta da ong u wa i dooh ya u Dr. Don toh ym du ya ka jylla Meghalaya tangwa man i dooh ya waroh kawi ka thaaiñ mihsngi.
Da ong u wa ha i yachem wa u Dr. Don da chem u wa man u u bru wa skem ka yurim, wei man i dooh wa khroo wei iwa eh wow pyndap biang yei thaw yong oo.
Da pynsñiaw u leh yei burom yong ka jylla Assam wa kamjooh leh na ka North East Democratic Alliance (NEDA) ha ini i jia wa sñiawsih wow dooh noh ya u Dr. Donkupar Roy.
Sñiawlem wei ngoohblai u Rev. Archbishop Dominic Jala neibynta u Dr Donkupar Roy
Kam ka dak wow burom ya u Dr. Donkupar neiliang u Archbishop ka Shillong Archdiocese, u Rev. Dominic Jala ynnin i janmiet da lai ngoohblai u ha yung u Dr. Donkupar Roy wei wow pyntngen ya ka yung ka sem.
Discussion about this post