Kam chibynta wow khang yei thang khiar ya ki khloo wa ki thaw wa sah chrah wei khnang wow pynneh yaka ramaw, neiliang u District Magistrate, East Jaiñtia Hills District da pynkrehkaam u da ka Section 144 CrPC hapoh waroh kawi ka District.
Ya kani ka hukum da pynkrehkaam hadien wa yoh ujor wa boon i thang khloo hapoh u pood ka District iwa ktah ya ki mrad kamjooh ki syntu ki phlang wei ini i thang daw ktah i leh ya ki bru paidbah kamjooh ki khloo ki kjam.
Chooh chooh da kyntu ya kiwa chong chnong wow tymplæh ya i diñ wa thang ki ha ki thaw hapoh u pood yong ki khnang wow lait u poor i diñ cha kiwi ki thaw.
Kani ka hukum da man ko kawa krehkaam nadooh wa pynmih ya ka hadooh wa pynbna deiwi.
Discussion about this post