Ynne i step yong ka 16 tarik heipor kamwa 8:30 haroh, ar tylli ki yung ha ka chnong Mawïong Umjapung, kawi ka yong ka Risuk Wanshong wa kawi won ka yong ka Twintina Nongneng da chah baam lut ki hei diñ hadooh wa da kylla tpai lut plak.
Iwa phylla ha ini wa jia toh wa wot hawa i diñ da baam lut i ya waroh iwa em ha kawi na kani ka yung, tangwa ka Kotbah namo ka Bible ym em chah thang ko chi sla leh wei yeini da pyntip da u waheh chnong, u Herman Dohtdong.
Katkam wa khana u, neiliang ka chnong da pyrchang ko katwa ye u yarap hadien wa da pyntip da ki tre yumg wei da sñiawngooh u wa ha ini i jia ym em wa mynsoo ya ki bru wei da e khublei u leh ya ki pulit wa tympleh diñ kiwa da poi wut-wit cha katai ka thaw wa jia.
Katkam wa khana da ka tre yung, i jia ye wow man neidaw wa thut i bordiñ wei da pyntip leh wa ya itai i yung da e wai ar kynrad neibhah ya idæ da sah ki chawi won.
Discussion about this post