Shillong: U District Magistrate, ka East Khasi Hills District, Shillong da pynkrehkaam u ya ka hukum hapoh ka Section 144 CrPC wow mana yei tih chyiap wa i sait kari ha ka Wah Lyngiong, East Khasi Hills District.
Ya kani ka hukum da pynmih hadien wa yoh ujor na ki paidbah wa em ki bru wa tih moo tih chyiap wei kiwa sait kari ha kani ka wah.
Ka ujor da yoh leh na ki paidbah ka Dorbar Shnong Phanniewlah Rum, wa em ki bru wa leh kamni hanlada khang wei mana ka chnong ya ki.
Kani ka hukum u krehkaam ko nadooh wa pynmih ya ka hadooh wa da pynkylla won deiwi.
Discussion about this post