15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah kem le ngut kiwa suba dai drugs na thaw pynyieñ kari ka Bethany Hospital, Shillong

0 Comments

Shillong: Katwa dang mih ki sngi dang joor i kaam khayi wei dih drugs ha ka ka nongbah Shillong heiwa da ngat boon ngut ki bru ha ini i kaam.

I kem ki pulit ya ki bru kiwa emkti ha ka kaam khayi drugs da man i man la ka tayaw wei ynnin i janmiet leh ki pulit ka Anti Narcotics Task Force, EKH da kem ki sa le ngut ki bru kiwa pynemkaam ya i drugs.

Ki pulit da yoh kem ki ya kini ki le ngut heipor kamwa 6:30 i janmiet katwa dang thmu ki wow khayi ya i drugs na i thaw pynyieñ kari ka Betheny Hospital, Shillong.

Kini ki bru da tip kam u Yash Mehra 26 snem i rta, u Amar Thapa 35 snem i rta wa u Brightstar Shadap 35 snem i rta, heiwa kini da leh ki kam kiwa pait wakjut heiwa da rah ya u tiffin wa thylli khnang wow lait ki u chah suba, wei hadien wa yoo ki paidbah ya ki dei langær wa em ki ha kani ka thaw da kem ya ki hei yakrehlang wa kiwa chong chnong.

Hawa kynreh ya ki da chem 3 tylli ki tin golden wa da thap drugs wa khia 1.91 gram ryngkat ka poisa T. 16 hajar tam.

Hadien ini ki pulit da kynreh ki sa ya ka Bolero u Brightstar Shadap kawa em u number ML 05 D 5865 kawa da pynemkaam da ki wei da kit ya ki cha Laitumkhrah Police Station wow pynman yei takit.

Neiliang u SP (City) ka EKH, u Vivek Syiem da kyntu u ya ki paidbah wow man ki kiwa husiar neibhah kam kini ki kaam da leh ha ki thaw wym poipyrkhat.

 

Previous
Next

0 Comments

Leave a Reply