U District Magistrate ka West Jaiñtia Hills da pyntip u wa kam chibynta wow pteiñ ya ka hukum wa da pynmih hapoh ka Section 144 CrPC ha ka 26-06-2024, da pynkrehkaam biang ya kani ka hukum deiwa pynkrehkaam noh hapoh ka Section 163 BNSS.
Ya kani ka hukum da pynmih neidaw wa da chem wa i khooid i jngiar ka wah Myntdu deilang ki um wa kooid cha ka toh kiwa da ktieh neidaw wa poi kiwa boon ki jakhlia khamtam ha ki thaw wa lang ka um.
Najrong ini, da em leh i pteiñ i tih chyiap i khloh moo na ka wah Myntdu iwa da ktah chooh chooh yei chait i khiah ka wah kawa man leh ka um wa taan yow pynpoi umkor cha waroh kawi ka chnong Jowai.
Kamtæ hapoh ka Section 163 BNSS da khang ya kini ha wah:
Da khang wow tih chyiap, u khloh moo ha tymbud ka wah Myntdu kamjooh napoh ka wah.
Da khang leh wow sait that, u sait kari, u noh waroh ki jait jhep kamjooh kiwa kai ha tymbud ka wah Myntu kamjooh i taroi, i ktieh, i khyndaw wa mih nei chna sarok.
Da khang leh wow noh taroi ya ki yusleiñ (Diapers) deilang ki Sanitary Pads.
Discussion about this post