Hadien da jia i chah tympra tympiah ki kor Electronic Voting Machine (EVM), iwa da jia ynne ka sngi ha chnong Wapungskur wa ha Bataw kawa man leh ka sngi thap Vote cha ka Election MDC ka JHADC.
Neiliang u DC ka East Jaiñtia Hills da pyntip u wa kam kini ki kaam ye ki wow jia biang iwa daw ktah yei chongsuk wei daw booh leh hei maa ya ki paidbah wei daw ye leh wow nang joor chooh chooh i.
Kamtæ da pynkrehkaam da ka Section 163 ka BNSS ha waroh kawi ka chnong Wapungskur wa Bataw ka wow krehkaam chisiendon.
Ka hukum da khang ko wow yalang palat 5 ngut ha chi thaw ha chong Wapungskur wa ha Bataw lait noh ha ki Polling Station neibynta kiwa wan thap Vote.
Da khang wow rah ki tiar yasiat, ki tiar pynmynsoo ha Wapungskur wa ha Bataw lait noh ki bru ka aiñ.
Da khang ya kiwon kiwon wow khanglaad ki yei lai i wan laitlooid ki bru.
Da khang leh ya uwon uwon u bru næ ki bru wow pynthut ki yei suk i saaiñ.
Kani ka hukum u krehkaam ko hadooh wa pynbna da kamwi.
Discussion about this post