U pynman biang yei thap Vote ha Wapungskur wa ha Bataw

Ka District Council Affairs Department ka sorkar Meghalaya da pynbna ko wow pynman biang deiwi yei thap Vote ha Wapungskur wa ha Bataw kiwa man ki chnong wa haap hapoh ka East Jaiñtia Hills District.

Yeini da leh hadien wa da em ki bru wa lai psiah yabor hapoh ka Polling Station No.22/7 wa tip leh kam ka Wapungskur-A neibynta ki chynrang wa ha ka Polling Station No.22/8 Wapungskur-B kawa man neibynta ki kynthai wei kini toh kiwa dang em hapoh ka 22-Musniang Rangad District Council Constituency heiwa ha ini i jia da chah tympra ki ar tylli ki kor EVM wa em ha kini ki thaw thap Vote.

Related posts

Ka patok man ko ka skurbah ong ka KSU hadien wa yoh jamin waroh ki dkhot ka seiñ

October 30, 2026

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Sa kawi ka chnong toh ka Bataw heiwa heini leh ki ar tylli ki thaw thap Vote wa tip kam ka Polling Station No.29/7 Bataw-A neibynta ki chynrang wa ka Polling Station No. 29/8 Bataw-B neibynta ki kynthai, da em ki bru wa psiah yabor yow tympiah tympra ya ki ar tylli ki kor EVM wa em ha kini ki thaw. Kani ka chnong toh kawa dang haap hapoh ka 29- Bataw Lakadong District Council Constituency.

Kamtæ neiliang ka sorkar da pynbna ko wa i thap Vote u pynman biang ha ka 22-02-25 nadooh 7:00 waje i step hadooh 4:00 waje i janmiet.