Shillong: Ka District Magistrate, East Khasi Hills District da pynmih hukum ko hapoh ka Section 144 CrPC yow khang yei tih moo wa pyrchah yaka aiñ kiwa dang man ha ki bynta u sarok NH-44 (E) Shillong-Nongstoin Road ha i bynta wa 7 wa 9 Km kiwa em hapoh ka East Khasi Hills District khlem da yoh yaka Quarry Permit wa kiwi ki Clearance Certificate na kiwa embor.
Ya kani ka hukum da pynmih neidaw wa joor i tih moo wa man pyrchah yaka aiñ ha tymbud u NH-44 (E) Shillong-Nongstoin Road ha ki bynta wa da kdaw haneiñ kamjooh da em leh ka hukum ka National Green Tribunal, Principal Bench, New Delhi kawa da khang ya uwon uwon u bru næ ka Company wow tih moo ha iwon iwon i bynta ka ri khlem da yoh yaka Quarry Permit wa kiwi ki Clearance Certificates katkam ka EIA Notification 2006 ka MoEF & CC ka sorkar India wa ki kyndon ka sorkar Meghalaya.
Ka hukom da ong ko leh wa kini ki kaam da booh ko hei maa ya u sarok, yaki dooid wa em ha rood sarok hadooh wa da dap ki da ki moo, u chyiap i khyndaw iwa da pynchlai ya kini ki dooid iwa da ktah kylla ya kiwa lai wa wan. Lada chem ya kiwon kiwon kiwa tyngkheiñ ya kani ka hukum daw pynchitom yaki katkam ka Section 188 CrPC.
Kani ka hukum u krehkaam ko chisyndon hadooh wa pynmih da kamwi.