May 9, 2017

Da pynkrehkaam ya ka 144 wow khang yei tynyap dakha

Shillong: U Additional Deputy Commissioner wa pait ya ka Pynursla Civil Sub- Division da pynkrehkaam u da ka Section 144 CrPC ka wow khang ya waroh ki bru, ki seiñ wa kiwi kiwi wym hoi dei u e bih ya ki um ki wah dei thmu wow tynyap ya ki dakha.

Ya kani ka hukum da pynmih neidaw wa da tip wa i e bih dakha da joor bha ki hapoh kani ka Sub-division lyngba ki dawai bih wa boon jait heiwa da joor leh i yap ki dakha wa kiwi wa im ha ki wah.

Ini i e bih daw pyndooh jait ki leh ya ki dakha wa em heini wei daw ktah ko leh ya ki jhoor ki phlang wa pynemkaam ya ka um.

Ya ki paidbah wa im ja na i khwe dakha da man ko ka dooh nong wa joor bha du nei khwan samen ki kattu katni ki bru wei hadien manda wiar ki dakha daw wanrah ko i dooh i duk ya ki paidbah.

(Feature Image: File Photo)