U District Magistrate, East Jaiñtia Hills District ynne da pyntip u wa deiwa bood ya ka hukum ka Supreme Court wa ka National Green Tribunal, da khang pyrchah wow pynhaap (Dumping) ya u mooyong wa da chim yukheiñ (Assessed Coal) hapoh ka District khnang wow khang ya ka um-bih wa mih na ki thaw pynlang moo wei wow khang yei noh moo ha ki thaw khlem tymmoh ha ki karkhana pynmih khyndaw-bilat wa ki karkhana pynmih bordiñ yong ki (cement factories and their captive power plants).
Da pyntip leh wa ye u em i chalan tooh wa i pynhaap tooh ya u mooyong kamtæ da leh yeini khnang wow yada ya ka rymaw nei noh mooyong ha tymbud u sarokbah NH6.
Da emkaam leh wow siang ya ki tarpaulin kiwa khlem liat um (Water Proof) wow yada nei liat ka um-bih heipor wa kit ya u mooyong uwa da yohbor na ki bor ka aiñ kamjooh leh wow tymmoh ya ki truck da ki tarpaulin.
U District Magistrate haka hukum da ong u leh wa ki thaw booh mooyong toh u man ki kiwa da chna da ki yung trep kiwa da tmymmoh da ki Water Proof Tarpaulin wei toh leh u em ki dooid narood ki thaw wa pynlang yaka um-bih wei wow pynkhooid yaka um-bih.
Ya u moo wa da pynlang khlem yohbor daw kem pyn heitu hi wei ya kiwa leh pyrchah daw pynchitom ya ki katkam ki kyndon ka aiñ nadooh ki tre moo, kiwa khih mylla, ki tre truck, kiwa yah wa kiwa yarap ha ini i kaam.
