U Sub-Divisional Magistrate, Amlarem Civil Sub-Division da pynkrehkaam u ya ka Section 144 CrPC wow khang ya ki paidbah wow sait-that, tiar, kari, u sum wei wow noh jhep ha i thaw wa taan um neibynta ka Amlarem Water Supply Scheme iwa em ha Jarain.
Kani ka hukum da pynmih ya ka hadien wa yoh yutip wa ka thaw taan um ya ka Amlarem Water Supply Scheme ha Jarain da sdang tngit ko iwa pynman ya ka wa ymhoi de u dih ya ka.
Heijooh i por da pynkrehkaam ya ka Section 144 CrPC, hapoh ka Sub-Division wow khang ya ki kari kiwa kit palat 9 Ton wow lai na ki yingkieñ lyngba u sarok Dawki-Muktapur Road.
Yeini da leh khang wow yada ya kini ki yingkieñ kiwa da rim wei i lai ki kari wa khia daw ktah chooh chooh i ya ki iwa daw ktah yei lai i wan ki bru.
Kani ka hukum da man ko kawa krehkaam nadooh wa pynmih ya ka hadooh wa pynbna da kamwi.