theme-sticky-logo-alt
theme-logo-alt

Da pynkrehkaam yaka Curfew 48 kynta ha Shillong

Ka District Magistrate ka East Khasi Hills da pynbna ko wada pynkrehkaam yaka Total Curfew ha Shillong wa ki thaw wa em cha jan nadooh ka 14th April, 2020 nadooh 6 AM hadooh ka 6 AM ka 16th April, 2020.

Ki thaw wa krehkaam kani ka Curfew man ko kamni ha wah :

  1. Waroh ki thaw Municipal
  2. Waroh ki thaw Cantonment
  3. Waroh ki thaw wa haap hapoh ka Mawlai Block waki Census Town
  4. Waroh ki thaw wa haap hapoh ka Mawpat Block waki Census Town
  5. Waroh ki thaw wa em hapoh ka Mylliem Block nadooh Umshyrpi Bridge hadooh ka 7th Mile Upper Shillong.
  6. Madanrting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong, Siejiong.

Kani ka hukum ym krehkaam ko ya kitu ki wakreh Security Forces, Medical Team kiwa em Duty, Police, Armed Forces, Fire & Emergency Service.

Waroh i pynbait heiyatoh waki Wholesale Trader kiwa da pynbait wow wai ha East Khasi Hills haka 14th April, 2020 kamjooh i pynbait wow wai yaki Wine Store waki Bonded Warehouse ha East Khasi Hills nadooh ka 13th hadooh ka 17th u April 2020 da man ko kawa da pyndam.

Waroh ki Curfew Pass lait noh yong kitu kiwa leh yaki Essential Services man ki kiwa da pyndam heipor wa krehkaam kani ka Curfew wa 48 kynta.

Share this:
Previous

Phah ka sorkar ya kitu kiwa lai cha Bethany Hospital wow pyntip smat

Next

Da pynkrehkaam biang yaka Curfew ha West Jaiñtia Hills nadooh ka 14 tarik