Shillong: Deiwa pyrkhat yei long i man heiyatoh wa u COVID-19 hapoh ka jylla kamjooh hapoh ka ri waroh kawi, yow yada nei poor kani ka khlaam kamjooh yow pyndooh jait hapoh ka East Khasi Hills District wa hapoh Meghalaya deiwa bood yaki kyndon ka sorkar Meghalaya lyngba ka Health and Family Welfare Department, ka District Magistrate, East Khasi Hills District hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 da pynkrehkaam yaka Curfew ha Shillong waki thaw wa em chajan waka nadooh 6:00 AM ka 26th April, 2020 hadooh 6:00 AM ka 4th May, 2020.
Ki thaw wa krehkaam ka Curfew toh ha waroh ki thaw Municipal wa Cantonment, waroh ki thaw wa em hapoh Mawlai wa Mawpat Block wa kynthup yaki Census Towns, ki thaw wa haap hapoh ka Mylliem Block nadooh Umshyrpi Bridge hadooh 7th Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong wa Siejiong.
Ka District Magistrate da pyntip ko wa kani ka hukum ym krehkaam ko yaki Security Forces, Medical Teams wa em Duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department, FCI, PWD, PHE, AH & Veterinary Department, Meghalaya Directorate of Dairy Development, Shillong Municipal Board, Sanitization Division of Shillong Cantonment Board, Postal Service, Telecom, Communications & IT Services, Press, Print and Electronic Media, Banks, ATMs & Treasuries, Petrol Pumps, Essential Services kiwa kynthup yaka Health Services, Home Delivery yaki LPG Cylinders kamjooh ki mar wa emkaam (Essential/Household Items), Online Food Delivery, Online Service Delivery, Courier Services, ki karkhan chna kari kiwa da yoh bor wow wai, ki Spare Parts Dealerships ka Health & Family Welfare Department, ki wakreh sorkar (Government officials on Duty). Kini waroh hap bood ryntih ki yaki kyndon kam ka Social Distancing, i chah siat dawai (Disinfection) wa kiwi de ki kyndon wa da pynmih daka chnat sorkar Health Department khlem pep.
Chah hi leh yei lai i wan ki kari wa kit mar wa emkaam (Essential Commodities), kiwa kit yaki chipai (Security Forces), ki tiar sumaar wa kiwi kiwi ki kari kit mar (Goods Vehicles). Tangwa ya kiwa yah kari wa kiwa yarap yaki hap ki wow leh yaka Medical Screening katkam ki kyndon wa da booh.
Ka District Magistrate da pyntip ko wa kani ka Curfew ym ktah ko ya iwa da pynbait wow wai ki dukan kiwa da dep jied katkam i por wa da booh.
Yaki Curfew Pass ye u leh lyngba ka Online Application ha www.eastkhasihills.gov.in.
Discussion about this post