15 49.0138 8.38624 1 0 4000 1 https://wyrta.com 300 0
Advertisement ad1

Da pynkrehkaam yaka ILP ha Manipur

0 Comments
Advertisement ad1
Advertisement ad1
Advertisement ad1

Ka Inner Line Permit (ILP) da sdang ko u krehkaam hapoh ka jylla Manipur nadooh ynne ka 01-01-20 kawa pynman yaka kam ka jylla wa 4 hapoh ka thaaiñ North East hadien ka Nagaland, Mizoram wa Arunachal Pradesh wow yoh ILP.

Ka sorkar Manipur da pynkrehkaam ko yaka ILP hadien waka sorkar pyrdi da pynbna ko ya ini lyngba ka Gazette Notification haka 31-12-19 heiwa ka ILP u krehkaam ko ha waroh ka jylla Manipur.

“Ki thaw e ILP namo ki Counters daw wai yaki ha waroh ki Police Station kiwa em ha khappood ka jylla. Da dep pynman i yaka yalang wa ki SP, DC, SDO wa ki pulit ki wow man kam ki bru wa da pynkup bor wow pait ya kani ka kaam. Ym toh u pyndik i ya kiwon kiwon namo wow wanrah yaka pynsier mynsien ya ki paidbah neibhah kani ka aiñ em ko hapoh ka Constitution. Katkam wa man kattæ yaka ILP u e katkam ki kyndon wa da em chwa,” ong u CM Biren Singh.

Katkam i pynbna daka sorkar da em soo jait ki ILP kiwa man kamni ha wah:

Special Category Permit: Ya ini daw e daka Home Department ya ki bru wa man ki Contractor sorkar, kiwa khayi pateiñ, kiwa da dep seiñ khih hapoh ka jylla kamjooh kiwa thmu wow seiñ khih hapoh ka jylla. Kani ka jait ILP toh kawa krehkaam le snem wei lada kwah wow pynthymme yaka daw hap su T. 5,000 haka sien nyngkong wei T. 10,000 manda pynthymme.

Regular Permit: Kani ka ILP toh ka wow e da ki Deputy Commissioner ki jar jiar ki District namo da kiwon kiwon ki chnat wa da e bor da ka sorkar jylla. Kani ka Permit toh neibynta kitu ki bru kiwa wan chapoh ka jylla man ki por deiwa yoh yei kitkhlieh na kiwa chong chnong wa pura ka jylla wei u man ko kawa krehkaam 6 bnai. Daw hap su T. 500 haka sien wa nyngkong neitæ won T. 1,000 manda pynthymme yaka.

Temporary Permit: Kani ka Permit toh kawa krehkaam 15 sngi kawa e ya kiwa uiñke suwari, kiwa mihkhmat yaka khayi pateiñ namo ya kiwon kiwon kiwa wan wow sah du kattu katni sngi donhi hadien wa pynyoo yaka ID wa krehkaam. Kani ka Permit toh kawa ye u e da ki Deputy Commissioner ha ki District wa pait ki, ki Deputy Resident Commissioners lane ki OSD ka Manipur Bhawan ha New Delhi, Kolkata wa Guwahati, ki SDO wa ki Officer-in-Charge ki Police Station kiwa da dep pynbna, ye u yoh leh na Imphal Airport wa ki chnat wa da e bor daka sorkar jylla. Kiwon kiwon wa yaleh ya kani ka Temporary Permit hap ki wow su T. 100 haka sien wa nyngkong wei T. 200 manda pynthymme.

Labour Permit: Kani ka Permit toh ka wow e da u Deputy Labour Commissioner lane da kiwon kiwon ki chnat wa da e bor da ka sorkar jylla ya kiwa kreh mylla wa wanrah da ki Contractor waki Company. Kani ka ILP toh kawa krehkaam 6 bnai wei ye u pynyinsur ka sa 6 bnai.

Da pyntip leh wa ya waroh ki tre chnong ka jylla, ki All India Service Officers yong ka Manipur Cadre wa kiwa hayung hasem ki, ki wakreh Central wa State Government Officer kamjooh kiwa hayung hasem ki, ki chipai (Central Paramilitary Forces & Armed Forces) wa kiwa hayung ki, waroh ki Executive Member yong ki National wa State Political Party kiwa da tipmit, kiwa lai puræ ha kiwa boon ki thaw puræ wa em hapoh Manipur kiwa em ya ki ID Card wa biang u lait ki naka ILP.

Daw booh leh yakai Check Gate ha waroh ki Entry wa Exit Point wa em ha Mao, Jiribam, Jessami, Moreh, Behiang wa Sinjowl.

Advertisement ad1

0 Comments

Leave a Reply