U Secretary, Regional Transport Authority, East Khasi Hills haka kyrwoh wa da phah da pynbna u ya i dor bai Local Taxi wa Auto Rickshaw ha Shillong kawa man katkam ki dor wa da pynbna ka sorkar lynba ka Notification No. TPT.91/80/749 haka 13-01-2020.
Ini leh toh i jooh i dor wa da pdiang kiwa kamai kari ha ri-loom Jaiñtia wow pynkrehkaam iwa da ood ki paidbah khamtam katni wa da dep pynhiar dor yei Petrol wa Diesel.
Neiliang u Secretary ka RTA da pybna u wa katkam kini ki dor wa thymme yaki Local Taxi toh u kit ki 4 ngut donhi ki bru, wei i dor man ko T. 26 neibynta ka Kilometer wa nyngkong katwa T. 13 ya kawi pa kawi ka Kilometer wa bood.
I bai ksoh bai pynyang yaka kari man ko T. 7 man ka 5 minit.
Yaki Auto Rickshaw won toh u kit ki 3 ngut donhi ki bru wei i dor toh T. 14 yaka Kilometer wa nyngkong katwa T. 6 ya man ka Kilometer wa bood.
I bai phah ksoh bai phah pynyang man ko T. 6 man ka 5 minit.
I dor bai Local Taxi wa Auto Rickshaw ye phi wow yoh deiwa click heini ha wah:
