Daw chah chooh chooh ya kiwa boon ki bru hapoh ka ri namo ki Domestic Passengers wow hær ki da ki lieñsuiñ ha i jooh i por deiwa chah ka Civil Aviation Ministry wow pynboon yaki liensuiñ kiwa hær hapoh ka ri namo ki Domestic Flights deiwa pynku naka 70% cha ka 80% na iwa jooh krehkaam ki chwa ka khlam.
U Civil Aviation Minister u Hardip Singh Puri da ong u wa ki lieñsuiñ hapoh ka ri da sdang ki wow krehkaam da 30,000 ngut ki bru haka 25 tarik u Naisan wei da poi 2.52 lak hadooh ka 30 tarik u Khonchonglad (Nov), 2020. Kamtæ ka Ministry of Civil Aviation da chah ko wow pynku noh yei krehkaam naka 70% cha 80% kamwa jooh man chwa ka khlam.
U Puri ha u Khonchonglad da chah u yaki lieñsuiñ hapoh India wow krehkaam ki hadooh 70% na iwa ye ki wow krehkaam hadien wa ku i dawa wow pynemkaam yaki lieñsuiñ hapyrdi i em ka khlaam.
Ka Ministry of Civil Aviation (MoCA) da chah ko wow pynemkaam biang yaki lieñsuiñ hadien wa ar bnai da khang yaki heipor wa em ka Lockdown kiwa da sdang wow hær nadooh ka 25 tarik u Naisan.
Da sdang nynkong deiwa chah u krehkaam ki du 33% i bor yong ki, iwa da pynku won cha ka 45% ha ka 26 tarik u Naiynru wa 60% ha ka 2 tarik u Naikhynde.
