Haka 3 tarik uni u bnai ki BSF ka 97 Bn da kem ki yaka kawi ka Truck wa em ya u Number AS01-LC-1816 na jan Sonapur, East Jaiñtia Hills kawa da kit ya 30 tylli ki masi kiwa thmu wow chalan tooh cha Bangladesh wei da kem leh deilang ya uwa yah kari.
Ya kani ka Truck da kem hadien wa yoh yutip wa tikna wa chalan tooh ko yaki masi.
Ha ka 2 tarik uni u bnai u SI Khalilula ka 30 Bn BSF, Lyngkhat BOP, EKH da ujor u wa heipor 6:30 i step kani ka sngi da yoh wow kem ya 9 tylli ki masi najan BP No 1261 MP iwa em hapoh Pynursla PS, EKH.
Ha ka 27 tarik u Khonchonglad (Nov), u Company Commander, E-Coy, 123 Bn BSF, Nongjri BOP (EKH) da ujor u wa heipor 8:30 i miet, ki chipai ka BSF heipor wa sonteri ki ya i thaw ka BP No 1255/2-S hapoh ka Teka BOP (EKH), da yoo ki ya arngut ki bru kiwa pyrchang wow chalan tooh yaki mar cha Bangladesh. Heipor wa phah yaki wow sangeh ki, da yut ki cha i khloo wa em chajan wei da ieh ki chadien ya 68 tylli ki klong (100ml) dawai Phensydil wei ya ini i dawai da booh ha Bholaganj POP yow leh ya iwa emkaam.