Da pynku dor ya ka bai sah ha ki Meghalaya House wei wow sdang biang ya ka khle nasib ka sorkar

Shillong: Ka sorkar jylla da pdiang ko ya ki kyndon wow pynlai ya ka khle nasib, ka Meghalaya Lottery Regulation Rule, 2019 kawa da sangeh la 11 snem wei kawa da wanrah leh i dooh dan wa joor ya ka sorkar.

Hawa yaklam wa kiwa pathai khubor ynne ka sngi hadien ka yalang ka dhab ki montri, u montri sorkar jylla, u James K Sangma da ong u wa hadien wa ka sorkar da mynjur ko ya ki kyndon ka Meghalaya Lottery Regulation Rule, 2019, chong ko ha ka Taxation Department wow leh yeiwa emkaam wow sdang biang ya ka khle nasib ha kani ka jylla.

“Kani ka pynkhle nasib u man ko Online wei kamjooh ha ka Paper Lottery,” da ong u James.

Ye wow kdaw wa ka khle nasib ha ka jylla, da pynsangeh la 11 snem kattu hadien ka mukotduma yong uwa chim wai wow pynlai ya ka khle nasib ha kani ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi i liang ka yalang da rai ko leh wow booh dor thymme ya kiwa lai wa wan kiwa sah ha ki yung Meghalaya House ha Delhi, Mumbai, Vellore, Kolkata wa ha Guwahati.

“I pynku ya ka bai sah ha ki yung ka sorkar Meghalaya toh nei ku dor ka bai bordiñ, ka bai phone, ka bai sumaar wa kiwi kiwi iwa emkaam,” da pynrap u.

Da khana u wa ya ki bru sorkar da pynku cha ka T. 300 na ka T. 200 wei kamjooh ya ki bru paidbah kiwa lai chah sumaar ha ki Hospital waphær waphær cha baar ka jylla, katwa ya kiwa lai sah ki wym toh ki kaam sorkar i dor u man i T. 1550 ya ka kamra wa booh ar palong chi miet chi khlieh.