15 49.0138 8.38624 1 0 4000 1 https://wyrta.com 300 0

Rai ka sorkar wow pynku ya ka bai chong kari kamai, wa kiwi kiwi ki phang

0 Comments
Advertisement ad1

Shillong: Ka sorkar jylla da chim ko ya ka rai wow pynku noh ya ka bai chong kari kamai ha ha thaaiñ Shillong wei kamjooh ha ka jylla waroh kawi katkam ka Motor Vehicles Act, 1988.

Hawa klam wa kiwa pathai khublor ynne ka sngi hadien ka yalang ki montri, u Montri ka chnat kaam pohyung ka jylla, u James K Sangma da ong u wa i pynku ya ka bai chong kari kamai taxi, ki taxi tourist wa kiwa ha thaaiñ Shillong, da pynchong yurim neidaw i ku dor ki tiar ki tar, i dor kari, i su dan wa ka Insurance.

Advertisement ad1

“I dor wa da booh nadooh u snem 2011 iwa T. 15.50 chi kilometer samen, da pynku cha ka T.18 chi kilometer samen wei man ka 100 kilometer daw kheiñ chooh chooh sa 200 tyngka ya ki kari tourist kiwa em Air Condition,” da ong u James.

Heiyatoh wa ki kari wa kamai ha thaaiñ Shillong, ka sorkar da rai ko wow pynku na ka  T. 22 ha ka 1 kilometer samen cha ka T.26 chi kilometer wei T. 13 manla ka chi kilometer, wei lada ksoh pynslem ya ki kari, daw haap su chooh chooh sa T. 7 man ka san minit.

“Ki kari kamai toh u kit bru ki katkam i niam wa da booh næ Capacity wei kiwa kit tam, daw haap chah daiñ kuna katkam ka aiñ,” da ong u James.

Ha iwi i liang u James da ong u wa ha kani ka sngi, ka sorkar da pdiang ko ya ki kyndon ka Meghalaya Lokayukta Rule 2019, kawa da pdiang da u Lat ka jylla nadooh u snem 2014.

Chooh chooh ka sorkar da pynyinsur ko leh ya ka samoi krehkaam u Secretary ka Meghalaya State Consumer Redressal Commission u HN Arengh sa chi snem.

Ka Sorkar da pdiang ko leh ya ka Service Rules ka Meghalaya Commerce and Industries Department, wa kamjooh ya ka Goods and Services Act 2019 kamwa phah da ka yalang ka GST Council wei ini i pynkylla toh wow khang laad ya i lait ka dan wei u krehkaam noh ko nadooh ka 1 Duyatra (January) 2020.

Advertisement ad1

0 Comments

Leave a Reply