15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da pynku dor yei doh masi ha Jowai

0 Comments

Jowai: Ka seiñ kiwa dai Dohmasi ha Jowai, da lai yachem ki wa u Deputy Commissioner ka West Jaiñtia Hills District u R. Rapthap ha kani ka 23 tarik wow kyrpaad na oo wow e laad ya ki wow pynku dor noh ya ka doh masi ha Jowai.

U General Secretary ka seiñ u Dayoolangki Ryngkhlem da ong u wa ym banse de wow pynku dor ya i doh masi neidaw wa duna masi palat hapoh ka West Jaintia District neidaw wa joor palat ka khayi tooh ya ki masi na kani ka District cha ri Bangladesh, wei na ini i daw kiwa dai doh masi, ki thied masi ki hei dor wa syad.

I dor thymme u man ko T. 340 chi kilo na i dor warim wa T. 320 chi kilo i doh pasoh katwa i doh chyieñ won u man ko T. 300 chi kilo.

U Ryngklem leh da ong u wa neilaing u DC da ong wa u krehlang wa ka seiñ.

Hei yatoh wa i chalan tooh ya ki masi cha Bangladesh, ka seiñ da kyrpaad ko ya ki pulit kamjooh leh ya ki seiñbhalang waphær waphær wow thooh ya kini ki bru wa leh ya kini ki kaam wei yow kem ya ki yow pynchitom ya ki katkam ka aiñ neibhah i duna doh ka ktah ym du ya kiwa dai khamtam ya kiwa thied da ong u Ryngkhlem.

 

Previous
Next

0 Comments

Leave a Reply