Hadien kattu katni sngi wa kyntu u Prime Minister, Narendra Modi ya ki paidbah wow pynduna yei pynemkaam Petrol wa Diesel deiwa pynchlur leh wow pynemkaam da ki kari paidbah, ynne ka sorkar pyrdi da pynbna ko wa da pynku dor yei Petrol wa Diesel da Rs. 3 chi litre.
Ini i pynku dor toh i sien nyngkong hadien soo snem heiwa iwa khaddooh iwa da leh yeini toh ha u April 2022.
I daw wa pynku dor toh wa joor ware syad i Crude Oil wei ki Company wa pynkhooid yei phniang ha India kam ka IOCL, BPCL, HPCL da hap ki wow thied hei dor wa syad da rap slem nadooh wa sdang ka thma Iran tangwa ini wa dep deiwa pynduna ka sorkar ya kiwa boon ki dan da lait nei pynku dor yei phniang.
Kini ki Company da ong ki wa ini wa dep khlem da pynku dor da dooh nong ki hadooh Rs. 1,600 klur man-ka-sngi hanla kattæ leh ka sorkar ym em pynku dor ko.
Ka thma ha Iran kattu da neh ko da palat 70 sngi wei ka Strait of Hormuz leh toh kawa dang khang sbak hadooh wym lait de ki jhaad kit phniang u lai.
Ini i pynku dor kattæ da em ki jylla wa ki thaw kiwa da ku dor hadooh Rs. 3.14 chi litre i Petrol wa Rs. 3.11 i Diesel iwa chong katkam ka rukom kheiñ dan.
Discussion about this post