Shillong: U Chief Secretary ka sorkar jylla u Y. Tsering ynne da pynkup burom ya kiwa kreh sorkar kiwa wan kreh biang por namo kawa tip leh kam ka Punctuality Excellence Awards.
Ya kani ka Award da saam cha ki 32 ngut kiwa kreh sorkar ha Meghalaya Secretariat kam ka dak wow burom ya ki yei wan kreh biang por ki ha u snem 2016.
Ya kini ki 32 ngut da saam da ki Certificate wa ka song poisa ha ka yalang wa pynman ynne da ka Secretariat Administration Department hapoh ka Conference Room, Main Secretariat, Shillong.
Ya kani ka yalang da pyllai da u H. Marwein, uwa man leh kam u Additional Chief Secretary In-charge Secretariat Administration Department heiwa da wan sakhi ya ka da u F.R Kharkongor, CEO, Meghalaya, u M.R. Synrem, Secretary, IT&C Department wa kiwi kiwi.
Discussion about this post