15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynkup burom ya kiwa e snam dei monsñiawbha yong ki

0 Comments
Advertisement ad1

Jowai: Kam chibynta ka World Blood Donors Day kawa haap ha kani ka 14 tarik uni u bnai kawa leh warom ya ka ha waroh uni u bnai hajrong ka phang “Be there for someone else. Give Blood. Share Life.” ka Jowai Civil Hospital Blood Bank ynne ka sngi da pynkup burom ko ya kitu ki bru wa e snaam monsñiawbha cha kani ka Blood Bank.

Ya kani ka yalang da pynman ha Conference Room, Jowai Civil Hospital Blood Bank, Panaliar heiwa u Marki Mulieh, MDC ka North Jowai da emlang u kam u kongsan.

U Marki hei klam yong oo da e khublei u ya waroh kiwa e snaam sñiawbha kiwa da ye wow pynim ya kiwa boon wei da pynchlur u leh wow pteiñ ki yeini i kaam wa bha yong ki. Da ong u leh wa oo leh man u kam uwa jooh e snaam wei neini cha khmat daw e snaam noh u na ki por cha ki por yow ye u yarap ya kiwa emkaam snaam. Da saam u leh ya ki khusnaam cha kiwa e snaam man ki por.

Ha kani ka sngi da e leh ya ki khusnaam cha ka Jaiñtia Eastern College, Khliehriat, Dalmai Cement Bharat Limited, Gr. INFRA Project (NHAI) Mynkre, Adventist College, Khliehtyshi, Jingiaseng Samla Thadlaboh Presbyterian Church, Ladthadlaboh, Seventh Day Adventist Church, Jowai, North East Adventist Church, Khliehtyshi wa ya ka HDFC Bank, Jowai.

Ka Dr. P. Shylla, In Charge Blood Bank hei klam yong ka da ong ko i e snaam toh iwa kordor wa ye ki bru u leh ha ka imlang sahlang wei da pynchlur ko leh ya kiwon kiwon ki bru wa chait wa khiah kiwa em ha ka rta 18-60 snem kiwa khia ym duna ya 45 Kilo wa kiwa em ya ka Hemoglobin level 12.5 chaneiñ ye ki u e snaam man ka 3 bnai katwa ya ki kynthai won man ka 4 bnai.

Da ong ko wa ha u snem 2017 -2018 waroh da yoh snaam kani ka Blood Bank toh 80-90 unit heiwa 30-35 unit toh ha u snem wa wai nyngkong ya ka Blood Bank wa ha u snem wa ar wei ya ka Blood Bank da wai nyngkong ha u snem 2014.

Ini pynyoo ko wa da sdang boon ki bru wa wan e snaam sñiawbha katwa dang lai ki snem wei da e khublei ko leh ya ki seiñ waphær waphær wa pynman ya ki Blood Donation Camp kiwa pynchlur ya ki paidbah wow wiar i tieñ wow e snaam ki.

Ka Dr. I. Challam, Superintendent ka Jowai Civil Hospital Hospital, Ialong kawa man leh kam ka chongknor ha kani ka yalang da klam ko yei emkaam i e snaam sñiawbha wei emkaam chooh u boon ya kam kini ki bru wa emlang ha ka yalang ynne ka sngi.

Advertisement ad1

0 Comments

Leave a Reply