Ha ka 2 tarik uni u bani, ka Dorbar Chnong Moolamylliang da pynkut noh ko ya ka tamasa pynriam khrik-khrak namo ka Festival of Lights ha kawa da ki hajar ngut ki paidbah nadooh ki khynroo, ki khynnah da wan ki wow sakhi khaddooh ya ini i lehkmen ha kani ka kynti heiwa deiwa kheiñ lang waroh i wan ki paidbah da em ki da ki lak ngut katkam wa kheiñ ka chnong.
U Apmon Pachiang, Waheh Chnong da ong wa da i leh wa phylla yong u Blai wot hawa u slap da haap u ha kylleiñ ki thaw, tangwa ym em won slap hapoh ka chnong. Da e khublei u leh ya ki bor District khamtam ya u SS Syiemlieh, I/C DC Khliehriat uwa da smat wow man kam u kongsan wa ya u Dr. Sankey Shangpung, MDC uwa da emlang heipor wa wai. Da e khlublei leh ya ki pulit kiwa da emlang nadooh wa sdang kani ka tamsa waka MeECL kawa da pynbiang ya i bordiñ khlem thut.
Da e khublei leh ya u Lahkmen Rymbui, Home Minister, u FR Kharkongor, IAS CEO, Meghalaya, ka RM Kurbah, DC Ri-Bhoi, u SS Kynjing, IPS kiwa da wan e mynsien ya ka chnong.
Da e khublei leh ya ka Revive Band waka Sweet String Band kiwa da wan pynchongchit ya ki paidbah lyngba ki rwai ha kani ka tamasa. Da e khublei leh ya ka u Eladmitre Dkhar, u Teiborlang Sumer wa ka kynhun kiwa da wan rwai Christmas hapoh ka chnong.
Da e khublei leh ya ki paidbah waroh kiwa da wan poi hapoh ka chnong da ka akor burom khlem iwon iwon i pynthut.
Ha ka sngi khang da yoh yei kam na u Pastor Jithu K. Sangma, Shillong Churches Assemblies.
U Apmon Pachiang da pyntip u wa hanla boon i lut, daw pteiñ ya kani ka tamasa kawa daw sdang nadooh ka 17-12-22 hadooh ka 01-01-23.
