15 49.0138 8.38624 1 0 4000 1 https://wyrta.com 300 0

Da pynkut yei lehkmen Silver Jubilee ka Step By Step Secondary School Wapung

0 Comments
Advertisement ad1

Jowai : Ka skul Step by Step Secondary School Wapung wa em haka chnong Wapung East Jaintia Hills District kawa da lai lyngba 25 tylli ki snem wow chakri yaki paidbah ka chnong kamjooh yaka thaiñ deiwa e i nang i stad, haka 20 tarik uni u bnai da pynkut ko yaka lehkmen dap 25 snem ha kani ka skur.

Ha kani ka sngi pynhaap pyrda yaka lehkmen da wan emlang ka kong R.S. Manner Additional Deputy Commissioner East Jaintia kam ka kongsan, u N. Bhomic Deputy Director State Education & Literacy kam u symbood kongsan ryngkat ka kong L.M. Darnei SSA SEMAM Jaintia Hills, ki arngut ki MDC wa kynthup ya u Lasky Rymbai, u Phasmon Dkhar ki bru waheh wa kiwi kiwi.

Advertisement ad1

Ka Headmistress kong Theily Dkhar da khana ko wa ya kani ka skur da seiñ haka 20 tarik u Thohlakhmi u snem 1991 da u Tymmen Basan ka Balang Wapung u (L) Wolphin Ryngkhlem kawa da e pyrtuid ha katai ka por ka “Step By Step English School”.

Ya kani ka skul da pynku kyrdan cha ka U.P School ha u snem 2000 katwa ha u snem 2014 won da pynku cha ka Secondary level. Da tipmit ya ka da ka sorkar ha u snem 2003 heijooh i por da yoh yarap poisa naka sorkar lyngba ka SSA neibynta 3 ngut ki nongsikai ka U.P. wa kiwi ki laad yarap.

stepbystep1

Da ong wa man u snem ym duna 50 ngut tam ki khynnah skul wa wan naki manyung wa dooh tam kiwa pure ha kani ka skur khlem su baiskur waroh chisnem, kamwa man kattæ da em hadooh 480 ngut ki khynnah skur nadooh Nusery hadooh class X wa 17 ngut ki nongsikai.

Ka kong R.S. Manner hei klam da yaroh ko ya kani ka skur wa da mih ko cha khmat wow chimbynta ha kiwon kiwon ki prokram wa pynman daka District Administration, kani man ko ka nuksa ya kiwi tawan ki skur.

Kiwi kiwa da klam kynthup ya u  N. Bhomic, Deputy Director State Education & Literacy, ki arngut ki MDC u Lasky Rymbai, u Phasmon Dkhar , u ryngbah chnong wa u Satly Ryngkhlem wa kiwi kiwi.

Kam ka dak wow pynsah kynmoo ya u tymmen basan (L) Wolphin Ryngkhlem uwa man uwa da seiñ ya kani ka skur da wai ya u mot yong oo ha pchem kani ka skur wei da pyllait leh ya ka kot sahkynmoo næ ka souvenir.

stepbystep2

Ha kani ka sngi neiliang ka skur da pynbna paidbah ko wa nadooh uni u snem daw e yaka Tymmen Basan Wolphin Ryngkhlem Educational Excellency Award cha ki khynnah wa yoh nyngkong, wa ar wa ka kyrdan wa le nadooh klas 6 hadooh klas 10 wei ym emkaam de u su bai skur chisnem, chooh chooh da rai wow e ya ka song poisa wa T. 10 hajar cha ki khynnah wa yoh 1st Division haka eksamin MBOSE, da pynbna leh wa jooh yarap ya kitu ki khynnah khonswet deiwa pyllait baiskul.

Advertisement ad1

0 Comments

Leave a Reply