theme-sticky-logo-alt
theme-logo-alt
Advertisement ad1
Advertisement ad1

Da pynkylla ya ka Cowin Website yow pynyoo ya ka tarik wa thymme yow wan chim yei sien wa ar i tika COVISHIELD

Advertisement ad1
Advertisement ad1

Ka COVID Working Group wa khlieh da u Dr. N K Arora ini wa dep da tyrwa ko wow pynyinsur yei sien wa ar wow chim yei tika du neibynta i COVIESHIELD cha ka 12-16 tayaw hadien wa chim yei sien nyngkong heiwa nachwa toh da booh 6-8 tayaw, wei ya ini i tyrwa leh da pdiang da ka sorkar India haka 13 tarik uni u Naisan.

Kamtæ ya ka Website www.cowin.gov.in leh da pynkylla heiwa da kyrriah ya ka tarik wow wan chim yei sien wa ar i dawai tika cha ka 12-16 tayaw du neibynta i COVISHIELD.

Advertisement ad1

Tangwa da em wa mih khubor wa kitu kiwa dep wow booh tarik wow lai chim yei sien wa ar da chah kyntait ki.

Kamtæ neiliang ka sorkar da pynche ko wa ini i pynkylla mut ko wa kitu kiwa yoh ya ini i tika yei sien nyngkong hapoh kini ki 84 sngi da kyrriah lut ya ka tarik wow wan chim ki yei bhah wa ar i tika.

Chooh chooh da pynche wa ki tarik wa da dep booh (Book) yow yoh yei bhah wa ar namo ka 2nd Dose i COVISHIELD u man hi i iwa dang krehkaam tangwa da kyrriah tarik donhi ya ki iwa man hadien 84 sngi hadien wa yoh yei tika hadien i sien nyngkong.

Kitu won kiwa da yoh tarik chwa chwa wow pynmih ya ini i pynkylla deiwa leh da ka Online Booking hap wow burom hi ya ini wei ym toh wow kyntait ya ki manda wan chim ki yei bhah yong ki, heijooh i por leh da ong wa hap wow pynsñiawthooh paidbah ya ini i pynkylla tarik.

Share this:
Previous

Mynstep u chong rai ki bor District heiyatoh wa ka Containment ha Panaliar

Next

Daw khlanbor ka ær-yong Tauktae ha ki 24 kynta wa daw wan