U District Magistrate ka West Jaiñtia Hills da pynkylla u ya ka hukum wa da pynmih ini wadep wow khang dai kiad hapoh ka Elaka Nartiang wa Elaka Shangpung neidaw wa daw em ka Election jied Dolloi kamjooh ha ka sngi niaw Vote kitæ ha ka 22, 23 waka 25 tarik uni u bnai.
Ha kani ka hukum da ong wa da khang wow dai kiad ha waroh kawi ka Elaka Shangpung wa Elaka Nartiang tangwa da pynkylla noh deiwa phah khang lang leh ya ki thaw dai kiad wa em 5 Km naka Natiang Elaka kamjooh ka Shangpung Elaka.
Ini kynthup i ya waroh ki dukan dai kiad (Wholesale wa Retail), ki Bar, ki pata kiad kiwa em hapoh ka Elaka Nartiang wa kiwa em hapoh ka Shangpung Elaka deilang wa ki thaw wa em hapoh 5 Km na u pood kini ki ar Elaka kiwa hap u khang ha kitai ki sngi wa da kdaw haneiñ.
