theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

I chah thombor ki kynthai ha kiwa yajan wa ki toh iwa hap chimkhia: I. Nongrang

Advertisement ad1

Ka Police Training School, Umran da pyman ko ya ka yaphyllu yumut wa chi sngi hajrong i man chngaaiñ ki kynthai kawa da e pyrtuid “Symposium on Women Safety” wa da kyrchaan poisa daka Bureau of Police Research and Development (BPR&D), New Delhi wa da pynman ha State Convention Centre, Shillong ynne ka sngi heiwa ka I. Nongrang, Special Director General of Police, Meghalaya da wan chibynta ko kam ka kongsan hawa wai ya kani ka yalang.

Ka kongsan da yaroh ko yei thong yong kani ka yaphyllu yumut deiwa ong wa emkaam wow ya krehlang yow pynlut yei bor neibynta i man chngaaiñ ki kynthai kamjooh ki khynnah hapoh ka jylla.

Da pyntip ko wa em 16 tylli ki aiñ kiwa da man neibynta 13 tylli ki hok ki kynthai kiwa da e hapoh ka riti synchaar ka ri. Tangwa da ong ko wa hanla da em boon ki aiñ ki kyndon; da hap kylli iyi i daw wa hap u pynman ya kam kani ka yaphyllu yumut wei wow pynsñiawthooh paidbah neibhah ki kaam pyrchah ya ki kynthai da man ki kiwa ku wei ympu em hiar ki. Chooh chooh da ong ko wa hanla ka Meghalaya man ko ka jylla wa e yei kur cha ka kynthai ym ye i wow pynduna ya ki kaam pyrchah ya ki kynthai, da ong ko deiwa sñiawsih.

Da kyrmen ko wa lyngba kani ka yalang ynne ka sngi, ym kut du hei yaklam wei daw pynkrehkaam leh ya ki laad wow yada wei pynchngaaiñ ya ki kynthai ha Meghalaya.

Ka Nongrang da ong ko leh wa ki pulit ka jylla da ye ki wow kem ya kitu kiwa krehkaam wow leh ya ki kaam pyrchah ya ki kynthai tangwa i chah thombor ki kynthai ha kiwa yajan wa ki, ha ki thaw kreh, ha ki thaw paidbah dang man hi i i kaam wa khia wa hap u chimkhia bha. Kamtæ da yooluti ko wa lyngba kani ka Symposium daw ye u leh chiboon neibynta i bha i miat ki kynthai ka jylla.

Hadien ka yalang wai da pynbood sa ki yaklam heiyatoh wa ki aiñ kiwa kyrpang ya ki kynthai wa ki khynnah wa ki kaam chah thombor ki kynthai.

Da em leh ka yaklam yillu hajrong i rukom takit manda em kiwa chah slaitbor wa kiwa chah pynyap.

Share this:
Previous

Lai chibynta ki 4 ngut ki kynthai ka Meghalaya haka All lndia Inter University Kickboxing Championships

Next

Da pynkylla ya ka hukum khang dai kiad hapoh Elaka Nartiang wa Elaka Shangpung